Абай облысындағы өрттен қаза тапқандардың суреті жарияланды

орман өрті, сурет - Zakon.kz жаңалық 11.06.2023 09:34

Сурет: facebook/zulfiya.suleimen

ҚР Экология және табиғи ресурстар министрі Абай облысындағы өртте қаза тапқан орманшылардың суретін жариялады, деп хабарлайды Zakon.kz.

Бұл суретті Экология министрі Зүлфия Сүлейменова Facebook парақшасында бөлісті.

"8 маусым күні сағат 22:00-де "Семей орманы" МОТР Жаңашүлбі филиалының 14 қызметкерімен байланыс үзілді. 9 маусым күні сағат 13:00-де бізге үш адамның мәйіті табылғаны туралы хабар алдық... Біз ғажайып болады деп үміттенген едік, бірақ болмады. Бүгін жоғалған 11 адамның мәйіті табылды", - деп жазды министр.

Сондай-ақ министр өртке қатысты ҚР Қылмыстық кодексінің 292-бабының 3-бөлігі "Абайсызда екі немесе одан да көп адамның өліміне әкеп соқтырған өрт қауіпсіздігі талаптарын бұзу" бойынша сотқа дейінгі тергеу басталғанын хабарлады.

Zakon.kz редакциясы қаза болғандардың туған-туыстары мен жақындарына көңіл айтады.

Оқи отырыңыз