Қазақстанға коронавирустың "Эрис" деген жаңа штамы келді

Сурет: Zakon.kz

Денсаулық сақтау министрі Ажар Ғиният Қазақстанда COVID-19 вирусының "Эрис" деп аталатын түрі тіркелгенін ескертті, деп хабарлайды Zakon.kz.

5 қазанда Орталық коммуникациялар қызметінде өткен брифингте Денсаулық сақтау министрі Ажар Ғиният Қазақстанда ай сайын айналымдағы коронавирусқа генетикалық зерттеулер жүргізілетінін атап өтті.

"Елге аурудың басқа клиникалық көрінісі бар жаңа штамының келген-кірмегенін білуіміз керек. Соңғы зерттеу деректері бойынша Қазақстанда "Эрис" деп аталатын "Омикронның" жаңа штамы анықталды". Ажар Ғиният

Министр қазір бүкіл әлемде "Омикронның" жаңа штаммдары тіркеліп жатқанын айтты, өйткені коронавирустың сыртқы ортада айналымы кезінде мутация болады.

"Қандай штамм болса да, коронавирустық инфекцияның клиникалық көрінісі бірте-бірте өзгеріп келеді. Сырқаттану кезеңі қысқарды, науқастардың жағдайы аурлығы бойынша орташа немесе жеңіл болады. Қазіргі уақытта Қазақстанда COVID-19-дан тек 35 адам стационарлық ем қабылдап жатыр. Бұл қатар жүретін аурулары көп қарт адамдар". Ажар Ғиният

Денсаулық сақтау министрі халық арнайы медицина мамандарына неге жазыла алмай жүргенін түсіндірді.

Оқи отырыңыз