Аида Балаева концерттердің тоқтатылуы туралы: Мәдениет саяси құрал болмауы керек

Сурет: Zakon.kz

Мәдениет және ақпарат министрі Аида Балаева ведомствоның алқа мәжілісінде Қазақстандағы ресейлік жұлдыздардың концерттерінің тоқтатылуына қатысты пікір білдіріп, мәдениет саясаттың құралы болмауы керек деп мәлімдеді, деп хабарлайды Zakon.kz.

Ол мәдениет пен руханиятта шекара жоқ екенін, бірақ "уақыт талабына, қоғам талабына сай келетін кейбір мәселелердің нақты заң жүзінде шешімі болуы керек" деп атап өтті.

"Мәселен, мәдениет саясаттың құралы болмауы керек, біз бұл мәселені жеке шешімдермен емес, заң арқылы шешуіміз керек. Мысалы, қазір әлеуметтік желілерде танымал әртістердің концерттері туралы хабарландырулар жарияланып, билеттер сатылып жатыр, бірақ концерттен бас тарту фактілері бар.Осы және басқа да келеңсіз әрекеттердің жолын кесу мақсатында заңнамаға ұйымдастырушыларға тыйым салу және жазалау шараларын қолдану бойынша өзгерістер енгізу жұмыстары жүргізілуде". Аида Балаева

Бірақ ол нормалардың жұртшылықпен талқыланатынын ескертті.

Қазақстанда Ресей мен Украина арасындағы қақтығыс басталғаннан кейін Лариса Долина, Полина Гагарина, Григорий Лепс, Азамат Мұсағалиев сынды ресейлік жұлдыздардың концерттері бірнеше рет тоқтатылды.

Сондай-ақ ресейлік рэпер OG Budaның гастрольдік сапары даулы сөздерге байланысты Қазақстан жұртшылығының наразылығын тудырып үлгерді. Алайда, музыкант осында тағы да өнер көрсетпек болды. Протоиерей Александр Суворов осы жағдайға назар аударды.

Оқи отырыңыз