ДДСҰ: Маймыл шешегі төтенше жағдай тудырып отырған жоқ

ДДСҰ, сурет - Zakon.kz жаңалық 26.06.2022 15:10

Сурет: pixabay

Маймыл безгегінің таралуы «халықаралық деңгейде төтенше жағдай тудырмайды». Дүниежүзілік денсаулық сақтау ұйымында өткен отырыста осындай қорытынды шығарылды, деп хабарлайды Zakon.kz.

Дегенмен ұйым әлем елдерін инфекцияның "одан әрі таралуын бақылауға ден қою үшін қарқынды күш салуға" шақырды, деп хабарлайды ТАСС.

Бірнеше комитет мүшесі әртүрлі пікір білдіргенімен, отырысқа қатысушылар ДДСҰ бас директорына қазіргі уақытта бұл індет халықаралық маңызы бар денсаулық сақтау саласындағы төтенше жағдай ретінде сипатталмауы керек деген ұсыныс беру туралы консенсус бойынша шешім қабылдады.

Алайда босаңсуға болмайды. Вирустың таралуын тежеу үшін алдын алу және жаппай үйлестіру ісі үнемі назарда болуға тиіс. Эпидемиологиялық қадағау, науқастарды емдеу, індетті жұқтырғандармен байланыста болғандарды бақылау мен оқшаулау жұмысы да жүйелі жүргізілуі керек.

Мамыр айынан бері маймыл безгегі 50-ден астам елде 3 мың адамнан анықталған.

Оқи отырыңыз