Боранға байланысты "Алматы-Ташкент-Термез" тас жолы жүк көліктері үшін жабылды

Алматы-Ташкент-Термез тас жолы жабылды, сурет - Zakon.kz жаңалық 16.11.2022 19:54

Сурет: Ақмола облысы ПД

Ауа райының күрт нашарлауына байланысты Жамбыл облысы және Түркістан өңіріндегі бірнеше жол учаскесі жүк көліктері үшін жабылды. Ал жеңіл автокөліктерді полиция органдары көлігі сүйемелдеп, бірге алып жүретіні де айтылады, деп хабарлайды Zakon.kz.

Ауа-райының күрт нашарлауына байланысты (қар, боран, көрінудің шектелуі) Жамбыл өңірі бойынша "Алматы-Ташкент-Термез" тасжолының 536-593 шақырымы аралығы (Айша-бибі ауылы мен Түркістан өңірі шекарасы арасындағы учаске) және Түркістан өңірі бойынша 593-652 шақырымы аралығы (Жамбыл өңірі шекарасы мен Машат ауылының арасы) жүк көліктері үшін жабық."Қазавтожол" АҚ баспасөз қызметі

Аталған жол учаскелерінде жеңіл автокөліктер арнайы жол техникасының және полиция органдары көлігінің сүйемелдеуімен бірге жүретіні де айтылады. Қазіргі уақытта жолды қыста күтіп-ұстау жұмыстарын атқаруға 35 жол маманы және 25 арнайы техника жұмылдырылды.

Айта кетсек, 16 қарашада желіде Алматы – Тараз тас жолын қалың қар басқан видеосы тарады. "ҚазАвтоЖол" Zakon.kz тілшісіне ауа райының қолайсыздығына бола жол жабылмайтынын, ондай жоспар жоқ екенін жеткізді.

Оқи отырыңыз