Түркістан облысында студент миллионнан астам өз қарызы үшін әкесін өлтірмек болған
Сурет: pixabay
Түркістан облысы сотының хабарлауынша, сотталушылар Е., Б., У. және Т. 2021 жылғы маусым-тамыз айлары арасында банктердің бірінің Төлеби ауданындағы филиалынан маусым-тамыз айлары аралығында бірнеше рет тауарлай несие алған. Жалпы сомасы 1 028 398 теңге болған. Алайда жұмыссыз болғандықтан ай сайын оны қайтара алмаған.
"Сотталушы Е.-нің әкесі 1979 жылы туған әкесі К. қатал болғандықтан одан ақша сұрай алмаған және несиесін айтуға қорыққан. Содан несиеден құтылу және пайда табу мақсатында әкесін қасақана өлтіріп, мал шаруашылығын иемдену ниеті болған. Қылмыстық ниетін жүзеге асыру мақсатында алдын ала сөз байласқан таныстары Б., У мен Т. сотталушының тікелей тапсырысы бойынша әкесін қасақана өлтіру үшін жәбірленушінің үйіне келген. Содан қорада бір қой өлейін деп жатыр деген сылтаумен жәбірленушіні қора жаққа шақырып, есігін ашқан Кемеловтың денесіне ретсіз пышақ ұрған. Жәбірленуші өз өміріне қауіп төніп тұрғанын сезіп артқа шегініп, күрек сабымен қорғана бастаған. Салдарынан жәбірленушінің ауыр жарақат алған". Түркістан облысы сотының баспасөз қызметі Әсет Серікбаев
Сотталушылардың кінәсі куәгерлердің жауабы мен сараптама қорытындылары, оқиға болған жерді қарау және беттестіру хаттамалары, сонымен бірге заттар арқылы дәлелденген.
Сотталушылар кінәсін ішінара мойындап, өздеріне бас бостандығынан айырмауды сұраған.
Сот үкім кесетін кезде қылмыстық жауаптылық пен жазаны жеңілдететін мән-жайға – кінәнің мойындауын жатқызып, ал ауырлататын мән-жайлар анықталмаған.
Сот үкімімен сотталушылар жоғарыда аталған қылмыстық құқық бұзушылықтарды жасағаны үшін кінәлі деп танылып, дасалған әрекеттердің қоғамдық қауіптілігін және сотталушылардың жеке басын ескере отырып, нақты бас бостандығынан айыру түріндегі жаза тағайындалды: Қазақстан Республикасының қылмыстық Кодексінің 28-бабы 2-бөлігі 24-бабы 3-бөлігі, 99-бабы 2-бөлігі 7), 8) тармақтарымен сотталушылар Е-ге, Б-ға, У-ға 11 жыл 3 ай мерзімге бас бостандығынан айырылған. Ал сотталушы Т-ға 5 жыл 7 ай бас бостандығынан айыру жазасы тағайындалған.
Сотталушылардың тағайындалған жазалары қылмыстық-атқару жүйесінің қауіпсіздігі барынша жоғары мекемелерінде өтеуді белгілеген.
Сотталушылар Е.-ге, Б.-ға. У.-ға қатысты сот үкімі заңды күшіне енген. Ал сотталушы Т.-ға қатысты сот үкімі заңды күшіне енбеген.
