Түркістан облысында із-түссіз жоғалып кеткен әйел табылды

Полиция жоғалып кеткен әйелді тапты, сурет - Zakon.kz жаңалық 19.12.2022 10:36

Сурет: ҚР ІІМ

Түркістан облысы полицейлерінің жүйелі түрде жасаған жұмысының арқасында жоғалған әйел табылды. Нақтырақ айтсақ, Сауран аудандық полиция бөліміне облыс орталығының тұрғыны арызданып, әйелінің жоғалғанын жеткізген, деп хабарлайды Zakon.kz.

Полицейлер әйелдің баруы мүмкін деген орындарды тексеріп, таныстары арасында сұрастыру жұмыстарын атқарды.

Нәтижесінде із-түссіз кеткен әйел Түркістан қаласындағы жалдамалы пәтерлердің бірінен аман-есен табылды, деп жазады Polisia.kz.

Полицейлер оған заң аясында тиісті түсіндіру жұмыстарын жүргізді. Белгілі болғандай, облыс орталығында тұратын отбасында әйелі мен күйеуі арасында отбасылық келіспеушілік болып, салдарынан әйел үйінен кетіп қалған. Содан Сауран ауданындағы ағасының үйіне барамын деген әйел онда аз уақытқа ғана болып, үйіме кеттім деп, одан әрі хабарсыз кеткен.

Қазіргі таңда оқиғаның толық мән-жайы анықталып жатыр.

Оқи отырыңыз