Атырау облысында мал іздеуге шығып, жоғалып кеткен тұрғындар табылды

Атырау облысы ТЖД, сурет - Zakon.kz жаңалық 10.03.2023 22:21

Сурет: Атырау облысы ТЖД

9 наурыз күні сағат 11:30 шамасында мал іздеуге шығып, байланысқа шықпаған 1969 және 1965 жылдары туған тұрғындар табылды, деп хабарлайды Zakon.kz.

Оларды Атырау облысы ТЖД қызметкерлері ТРЭКОЛ автокөлігімен 2023 жылғы 10 наурызда сағат 13:25-тен бастап Атыраудың Алғабас селосынан 50 шақырым қашықтықта іздестірді.

Бүгін, 10 наурызда сағат 17.23-те іздестіру-құтқару жұмыстарына қосымша "Қазавиақұтқару" АҚ тікұшағы жұмылдырылды.

"Сағат 17:47-де Атырау облысы ТЖД қызметкерлері жоғалған азаматтарды тауып, қауіпсіз аймаққа жеткізіп, туысқандарына тапсырды. Азаматтардың жағдайы жақсы, медициналық көмекті қажет етпейді". Атырау облысы ТЖД қоғаммен байланыс тобы

Іздестіру-құтқару жұмыстарына Атырау облысы ТЖД қызметкерлері мен техникасы, "Қазавиақұтқару" АҚ тікұшағы мен тәжірибелі экипажы жұмылдырылды.

Оқи отырыңыз