Павлодарда балалар үйінің 16 жастағы тәрбиеленушісі жүкті болып қалды

Кәмелетке толмаған, Павлодар, жүктілік, 16 жасар қыз, сурет - Zakon.kz жаңалық 14.11.2024 21:57

Сурет: nvdaily.ru

Павлодар облысындағы балалар үйінің бірінде кәмелетке толмаған қыздың екіқабат екені туралы ақпаратты өңірдегі бала құқықтары жөніндегі уәкіл Сәуле Шәкенова растады, деп хабарлайды Zakon.kz.

Үш апталық жүктілік фактісі медициналық тексеріспен де расталған.

"Қыз 16 жасқа келді. Ол зорлық-зомбылық фактісін жоққа шығарады. Өзара келісім бойынша байланысқа түскенін айтады. Ал Қазақстан Республикасының заңнамасына сәйкес, ол келісім беретін жасына кірді. Тиісінше қылмыстық құқық бұзушылықтың құрамы жоқ. Жасөспірім мен баланың әкесі арасында неке қиылды", деп Pavlodarnews.kz Сәуле Шәкенованың сөзін келтіреді.

Облыстық білім беру басқармасының аталмыш факт бойынша хабары бар болып шықты.

"Тәрбиеленушінің үш апталық жүктілік фактісі медициналық тексерумен расталды. Факт бойынша қамқоршысы, орталықтың басшысы құқық қорғау органдарына өтініш жазды. Қызға қажетті психологиялық көмек көрсетілді",– дейді басқармадағылар.

Жағдай кәмелетке толмағандардың істері және олардың құқықтарын қорғау жөніндегі комиссияның отырысында қаралды. Орталық басшысы тәртіптік жауапкершілікке тартылды. Қызға кәмелетке толмаған ер баланың ата-анасы қаржылай көмек көрсетеді.

Оқи отырыңыз