Берік Уәли: Президент бейбіт шерушілерді қылмыстық қудалауға қарсы

Ресми хабарлама, сурет - Zakon.kz жаңалық 14.01.2022 22:46

Сурет: Ақорда

Мемлекет басшысының баспасөз хатшысы Президенттің Бас прокуратураға «Қасіретті қаңтар» оқиғасына қатысып, әртүрлі құқық бұзушылық бойынша ұсталған азаматтардың кінәсінің деңгейін анықтау туралы тапсырмасына қатысты түсінік берді, деп хабарлайды Zakon.kz

Берік Уәли Президенттің олардың ауыр қылмысы болмаса, жазаны жеңілдету шараларын қабылдауға болады деп санайтынын айтты.

Бейбіт демонстрацияға қатысушылар қылмыстық жауапкершілікке тартылмауы керек. Мемлекет басшысының түбегейлі ұстанымы бейбіт жиналыстар мен митингілер заңға сәйкес өтуі керек. Заңда мұндай жиындардың ескерту арқылы ғана өткізілетіні қарастырылған. Митингілер мен жиналыстарды енді қалалардың орталық аудандарында өткізуге болады. Бұл – еліміздегі демократияны ілгерілетуге бағытталған маңызды қадам. ҚР Президентінің баспасөз хатшысы Берік Уәли

Тақырыпқа орай: Президент "Қасіретті қаңтар" оқиғаларына байланысты Бас прокуратураға тапсырма берді

Оқи отырыңыз