Тоқаев Назарбаевтың Қауіпсіздік кеңесіне өмір бойы төрағалық етуін тоқтататын заңға қол қойды

Заң жобасы, "ҚР Тұңғыш Президенті туралы" заң, Конституциялық заң, сурет - Zakon.kz жаңалық 07.02.2022 17:26

Сурет: Ақорда

Мемлекет басшысы «Қазақстан Республикасының кейбір конституциялық заңдарына өзгерістер мен толықтырулар енгізу туралы» Қазақстан Республикасының Конституциялық заңына қол қойды, деп хабарлайды Zakon.kz

Заңға енгізілген түзетуде Қазақстан Республикасының Тұңғыш Президенті Нұрсұлтан Назарбаевтың Қауіпсіздік кеңесі мен Қазақстан халқы ассамблеясына өмір бойы төрағалығын жою көзделген.

Сонымен қатар, «Қазақстан Республикасының Тұңғыш Президенті – Елбасы туралы» Конституциялық заңындағы мемлекеттің ішкі және сыртқы саясатының негізгі бағыттары бойынша әзірленетін бастамаларды Қазақстан Республикасының Тұңғыш Президентімен — Елбасымен келісу туралы норманың да күші жойылды.

Жалпы алғанда, бұл заң арқылы «Қазақстан Республикасының Тұңғыш Президенті – Елбасы», «Қазақстан халқы Ассамблеясы туралы» және «Қазақстан Республикасының Қауіпсіздік кеңесі туралы» конституциялық заңдарға өзгерістер мен толықтырулар енгізіледі.

Тақырып бойынша оқи отырыңыз:

Парламент Назарбаевтың Қауіпсіздік кеңесіндегі өмір бойғы төрағалығын алып тастауды қолдады

Оқи отырыңыз