Президенттің өкілеттіктеріне қатысты түзетулер тамыз айында парламентке жіберіледі

заң жобасы, парламент, сурет - Zakon.kz жаңалық 18.04.2022 12:51

Сурет: ҚР премьер-министрінің баспасөз қызметі

30 тамызға дейін Қазақстан үкіметі президенттің өкілеттіктеріне қатысты түзетулермен бірге бірқатар заң жобаларын парламентке ұсынады. Бұл туралы ҚР Әділет министрі Қанат Мусин айтты, деп хабарлайды Zakon.kz.

Президент жариялаған бастамаларын жүзеге асыру үшін «Қазақстан Республикасының Президенті туралы» Конституциялық заңға және басқа да бірқатар заңдарға өзгерістер мен толықтырулар енгізу қажет болады. Тиісті заң жобаларын парламент қарауына енгізу ағымдағы жылдың тамыз айында, ал оларды қабылдау ағымдағы жылдың соңына дейін жоспарланған. Қазақстан Республикасының Әділет министрі Қанат Мусин

Министр барлық заң жобаларын әзірлеу заң шығару процесінің барлық кезеңдерінде кең қоғамдық талқылаумен қатар жүретініне сендірді. Аталған заң жобаларының консультативтік құжаттары Ашық НҚА порталында жарияланған.

Оқи отырыңыз