Тоқаев Бақыт Сұлтановты қызметінен босатты

Бақыт Сұлтанов, сурет - Zakon.kz жаңалық 15.08.2022 18:09

Сурет: Сауда және интеграция министрлігі

Бақыт Сұлтанов ҚР Премьер-Министрінің орынбасары – Сауда және интеграция министрі қызметінен босатылды. Оның міндетін атқаруға Серік Жұманғарин тағайындалды, деп хабарлайды Zakon.kz.

Мемлекет басшысының Жарлығымен Бақыт Тұрлыханұлы Сұлтанов Қазақстан Республикасы Премьер-Министрінің орынбасары – Сауда және интеграция министрі қызметінен босатылды, – делінген Ақорда хабарламасында.

Бақыт Сұлтанов 1971 жылы 29 қарашада Алматы қаласында дүниеге келген.

Еңбек өтілі:

ҚР Қаржы министрлігі Қаржы нарығындағы бағалы қағаздар департаменті акционерлік қоғам мен лицензиялау бөлімінің жетекші экономисі (1994);

Басқарма бастығы, департамент басшысының орынбасары, бюджет департаменті директорының орынбасары, мемлекеттік сатып алу департаментінің директоры, қазынашылық департаменті директорының орынбасары, бюджет департаменті директорының орынбасары, ҚР Қаржы министрлігі Мемлекеттік бюджет департаментінің директоры (1995-2002);

ҚР Экономика және бюджеттік жоспарлау министрлігі Бюджеттік саясат және жоспарлау департаментінің директоры (09.2002-06.2003);

ҚР Экономика және бюджеттік жоспарлау вице-министрі (06.2003-02.2006);

ҚР Статистика агенттігінің төрағасы (02.2006-01.2007);

ҚР Қаржы вице-министрі (01.2007-10.08.2007);

ҚР Экономика және бюджеттік жоспарлау министрі (10.08.2007-12.03.2010);

ҚР Президентінің көмекшісі (13.03.2010-01.2012);

ҚР Президенті Әкімшілігі Басшысының орынбасары (01.2012-11.2013);

ҚР Премьер-Министрінің орынбасары – Қазақстан Республикасының Қаржы министрі (06.11.2013-06.08.2014); қайта тағайындалды - 04.04.2014 ж.);

ҚР Қаржы министрі (08.06.2014 ж.; қайта тағайындалды - 30.04.2015 ж., қайта тағайындалды - 09.13.2016-09.2018);

Астана қаласының әкімі (11.09.2018-06.2019);

ҚР Сауда және интеграция министрі (06.2019 ж., 18.01.2021-11.01.2022);

ҚР Премьер-Министрінің орынбасары – Сауда және интеграция министрі (11.01.2022 жылдан бастап)