Қазақстан мен Әзірбайжан өсімдіктерді қорғау саласында ынтымақтасады - Тоқаев жарлыққа қол қойды

"Мемлекет басшысы «Қазақстан Республикасының Үкіметі мен Әзербайжан Республикасының Үкіметі арасындағы Өсімдіктер карантині және оларды қорғау саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды", - делінген Ақорда хабарламасында.

Заңның негізгі мақсаты – карантинге жатқызылған өнімді елге әкелу кезінде фитосанитарлық қауіпсіздікті қамтамасыз ету бойынша шаралар мен өзара іс-қимылды күшейту.

Тұтастай алғанда, құжат тасымалданатын өнімге қажетті фитосанитариялық бақылауды, бірлескен іс-шараларды және өсімдіктер карантині жөніндегі ұлттық қызметтер арасындағы өзара іс-қимылды қамтамасыз етуге бағытталған және Қазақстанның экспорттық әлеуетіне оң әсер етеді.

Келісімді ратификациялау теріс әлеуметтік-экономикалық және құқықтық салдарларға әкеп соқпайды және республикалық бюджеттен қосымша қаражат бөлуді талап етпейді.

Заңның мәтіні баспасөзде жарияланады.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023