Бас прокуратура ата-аналарға үндеу тастады

Құзырлы ведомство кәмелетке толмағандарға заңды өкілдерінің ертіп жүруінсіз түнгі уақытта ойын-сауық мекемелерінде немесе тұрғынжайдан тыс жерде болғаны үшін әкімшілік жауапкершілік көзделгенін ескертті.

"ӘҚБтК-нің 442-бабы 1-бөлігі бойынша заңды өкілдерге үш айлық есептік көрсеткіш мөлшерінде айыппұл қарастырылған. 2024 жылдың бес айында 2 474 тұлға 14 646 711 теңге сомасына айыппұл түріндегі әкімшілік жауапкершілікке тартылды. ӘҚБтК-нің 442-бабы 2-бөлігі бойынша заңды өкілдеріне ескерту жасалды. Осы норманы бұзғаны үшін 46-дан астам тұлғаға ескерту түрінде жаза тағайындалды", делінген хабарламада.

Сонымен қатар, әкімшілік жаза қолданылғаннан кейін бір жыл ішінде құқық бұзушылықты қайталап жасағаны үшін (ӘҚБтК 442-бабы 3-бөлігі) 2 001 тұлғаға 30 274 003 теңге көлемінде айыппұл салынды.

Айыппұл жеті айлық есептік көрсеткішті құрайды.

Аталған санаттағы ең көп құқық бұзушылықтар мына өңірлерде тіркелді:

• Шымкент қаласы – 4 425,
• Түркістан облысы – 4 122,
• Алматы облысы – 4 036,
• Жамбыл облысы – 3 865;
• Маңғыстау облысы – 3 549.
  

Оқи отырыңыз

Астанада заңсыз салынып жатқан Qurmangazy тұрғын үй кешені сүрілетін болды

20:02, 14 қараша 2024

Антикор еліміздегі ең қымбат футбол клубының былықтарын жария етті

19:51, 14 қараша 2024

Астанада көпірдегі жаппай көлік апатына BMW жүргізушісі түрткі болған

19:10, 14 қараша 2024