Жұртқа eGov.kz мобильді қосымшасының бұзылғаны туралы хабарлама келуде. Бұл қаншалықты рас

eGov.kz, ХҚКО, бұзу, хакер, жалған ақпарат, фейк, сурет - Zakon.kz жаңалық 11.09.2024 17:33

Сурет: pexels

WhatsАpp-та ХҚКО сайттары мен eGov Mobile қосымшасын бұзып кеткені жөнінде аудио хабарлама тарауда. Осыған байланысты аудио авторы 1414 нөмірінен келетін сілтемелерді баспауды ескертеді, деп хабарлайды Zakon.kz.

Stopfake.kz "Ұлттық ақпараттық технологиялар" АҚ-ға аталған аудио хабарламаға қатысты түсініктеме беруді сұрап жүгінді.

"Ұлттық ақпараттық технологиялар" АҚ мессенджерлерде тараған ХҚКО сайты мен EGOV Mobile мобильді қосымшасының бұзылғаны туралы аудио хабарлама жалған болып табылатынын әрі оның шындыққа сәйкес келмейтінін нақтылады.

"Электрондық үкімет порталы мен eGov Mobile мобильді қосымшасы штаттық режимде жұмыс істеп тұр, портал мен мобильді қосымшаны пайдаланушылардың деректері үшінші тұлғалар үшін қол жетімсіз". "Ұлттық ақпараттық технологиялар" АҚ

Пайдаланушылардан жалған хабарламаға ден қоймауға және теріс, тексерілмеген ақпаратты таратпау сұралады.

"Пайдаланушылар e-Gov.kz порталының және eGOV Mobile мобильді қосымшасының жұмысына қатысты барлық сұрақтар бойынша 1414 нөмірі арқылы байланыс орталығына хабарласа алады", делінген баспасөз қызметінің хабарламасында.

Оқи отырыңыз