Қазақстан кейбір самокаттарды әкелуге тыйым салуы мүмкін

Сурет: Zakon.kz

10 мамырдағы пленарлық отырыс аясында мәжіліс депутаты Екатерина Смышляева сағатына 50 шақырымнан асатын жылдамдықтағы электр самокаттарын әкелуге тыйым салу нұсқасы қарастырылып жатқанын айтты, деп хабарлайды Zakon.kz.

Ол бірнеше нұсқа қарастырылып жатқанын атап өтті. Соның ішінде сағатына 25 шақырымнан жоғары жылдамдықтағы самокаттарды әкелуге тыйым салу да бар.

"Бірақ заң бойынша бізде негізінен сағатына 25 шақырымға дейін жылдамдықтағы электр самокаттар бар екенін айтып отырмыз. Ал 25 шақырымнан жоғары ол - мопед. Сондықтан тыйымның кейінгі нұсқасы: жылдамдығы 50 шақырымнан асатын самокатты әкелмеу"Екатерина Смышляева

Депутат елімізде сағатына 70 шақырым жылдамдықпен жүретін самокаттарды көргенін бөлісті.

"Бірақ ол мұндай конструкциямен қауіпті жылдамдық болады. Қазір шынымен осы талқыланып жатыр. Жеке самокаттар бар, дәл соларға келгенде осындай сұрақ туады. Өйткені жеткізуші компаниялар өздерінің паркін 25 шақырымға дейінгі жылдамдықтағы самокатпен толықтырады".Екатерина Смышляева

Бұған дейін мәжіліс депутаттары самокатқа қатысты талаптарды қатайтатын түзетулерді қабылдаған еді.

Оқи отырыңыз