Смайылов өңірлердегі балалардың жазғы демалысын ұйымдастыру жайын сынады

Сурет: unsplash

Премьер-министр Әлихан Смайыловтың айтуынша, жаз мезгілінде аймақтарда балаларға арналған қызық та мазмұнды шаралар аз, деп хабарлайды Zakon.kz.

ҚР үкіметінің отырысында Әлихан Смайылов өңірлерде көбіне жазғы демалыс пен балаларды жұмысқа орналастыру формальды түрде ұйымдастырылатынын айтты.

"Қызық, мағыналы іс-шаралар аз. Олардың сапасы қамтамасыз етілмейді. Ауылдық жерлердегі балалар назардан тыс қалып отыр. Әкімдіктер тарапынан бақылау болмай отырғанын айтып отырмын".Әлихан Смайылов

Ол балалардың жазғы демалысын ұйымдастырып, жұмысқа орналастыруда маңызды және күрделі мәселелерді ескеруді тапсырды. Оның айтуынша, балалардың жаппай іс-шараларын, оның ішінде бітіру емтихандарын өткізу бойынша жұмысты ұйымдастыру керек.