Тоқаев: Қазақстан Еуразиялық өнеркәсіптік кооперацияны дамыту орталығы ретінде әрекет етуге дайын

Сурет: akorda.kz

Мемлекет басшысы Қасым-Жомарт Тоқаев Мәскеудегі Жоғары Еуразиялық экономикалық кеңестің отырысында сөйлеген сөзінде біздің Қазақстанның ЕАЭО елдерімен бірлескен бірқатар жобаларға қатысуға дайын екенін атап өтті, деп хабарлайды Zakon.kz.

"Қазіргі геосаяси жағдайда Қазақстан өзінің жағрафиясы мен мүмкіндіктерін ескере отырып, Еуразиялық өнеркәсіптік кооперацияны дамыту орталығы ретінде әрекет етуге дайын", - деді Президент.

Оның айтуынша, бұл электромобильдер, магистральды локомотивтер, вагондар, ауылшаруашылық және жеңіл техникалар, құрылыс материалдары мен химиялық өнімдер шығаратын бірлескен кәсіпорындар болуы мүмкін.

"Сондай-ақ біз қара және түрлі-түсті металдар кен орындарын игеру, дайын өнімді одан ары қарай өңдеу және өндіру бойынша бірлескен жобаларды іске асыруға дайынбыз",- деп сөзін түйіндеді Қасым-Жомарт Тоқаев.

Сондай-ақ Мемлекет басшысы Қазақстанның ЕАЭО-ға мүше өзге елдермен арадағы тауар айналымы 74 пайызға ұлғайғанын атап өткен болатын.

Оқи отырыңыз