Нұрлан Жақыпов: Жамбыл, Жетісу, Қостанай облыстарында жел электр стансалары салынады

Нұрлан Жақыпов, Самұрық-Қазына, Дубай, саммит, келіссөз, жел энергетикасы, сурет - Zakon.kz жаңалық 02.12.2023 16:34

Сурет: akorda.kz

"Самұрық-Қазына" АҚ басқарма төрағасы Нұрлан Жақыпов Дубайда Қазақстанның және басқа да елдердің мемлекеттік органдары мен бизнес-құрылымдары арасында қол қойылған бірқатар келісімге қатысты пікір білдірді, деп хабарлайды Zakon.kz.

"Бүгін Дубай қаласында, Мемлекет басшысының сапары барысында СОР28 саммиті шеңберінде Қазақстан бірнеше келісімге қол қойды. Олардың арасында француздың TotalEnergies, Сауд Арабиясының ACWA Power компанияларымен, сондай-ақ әмірлік компаниясымен келісімге отырдық. Оған сәйкес, Қазақстанда 3 Гвт қуатты құрайтын жел электр стансаларын салатын боламыз. Қуаты 1,5 Гвт жел энергия стансасы Жамбыл облысында, тағы бір 1 Гвт-тығы - Жетісу облысында 0,5 Гвт болатын станса Қостанай немесе Ақмола облысында салынбақ. Толық инвестиция көлемі 4,5 млрд доллардан астам болады". "Самұрық-Қазына" АҚ басқарма төрағасы Нұрлан Жақыпов

Оның айтуынша, бұл іс-шара Қазақстанның ұлттық электр жүйені потенциалын арттыруға көмектеседі, көмірсутегін бейтараптыру бағытына тиісті үлес қосады.

Айта кетсек, 2023 жылы 2 желтоқсанда Президент Қасым-Жомарт Тоқаев Дубайда өтіп жатқан Климат жөніндегі дүниежүзілік саммит (СОР28) аясында Қазақстанның және басқа да елдердің мемлекеттік органдары мен бизнес-құрылымдары арасындағы бірқатар келісімге қол қою рәсіміне қатысты.

Оқи отырыңыз