Мемлекет басшысы Түркияның қорғаныс министрі Яшар Гюлерді қабылдады

Қасым-Жомарт Тоқаев Қазақстан мен Түркия арасындағы қарым-қатынас екіжақты және көпжақты күн тәртібінің барлық бағыты бойынша қарқынды дамып келе жатқанын атап өтті, делінген Ақорда хабарламасында.

Президент әріптесі Режеп Тайип Ердоғанға ізгі тілегін жолдап, екі елдің стратегиялық ынтымақтастығы мен серіктестігін одан әрі нығайтудың маңызды екеніне назар аударды.

Сурет: Ақорда

Яшар Гюлер атажұртта көрсетілген сый-құрмет үшін алғыс айтып, Түркияның Қазақстанмен өзара сенім және қолдау рухындағы байланыстарды одан әрі тереңдетуге ниетті екенін растады

Ол еліміздің бірқатар өңірлік және халықаралық түйткілді шешуге бағытталған күш-жігерін жоғары бағалады.

Сонымен қатар әңгімелесу барысында екі елдің қауіпсіздік саласындағы ынтымақтастық мәселесі қарастырылды. 

Оқи отырыңыз

Мемлекет басшысы СOP29 аясындағы Қазақстан павильонына барды

16:31, 13 қараша 2024

Қазақстан, Әзербайжан және Өзбекстан президенттері маңызды стратегиялық келісімге қол қойды

14:01, 13 қараша 2024

Бортник ресми түрде Қазақстан Орталық сайлау комиссиясының мүшесі болды

11:34, 13 қараша 2024