Уругвай Гана құрамасын жеңгенімен, турнирдің плей-офф кезеңіне шыға алмады

Футболдан ӘЧ-2022, сурет - Zakon.kz жаңалық 02.12.2022 23:37

Сурет: видеодан алынды

Қатарда "Әл-Джануб" стадионында футболдан өткен әлем чемпионатының топтық кезеңінің 3-турының аясында H тобындағы Гана мен Уругвай құрамалары өзара бақ сынасты, деп хабарлайды Zakon.kz.

Матчтың 20-шы минутында Гана 11 метрден доп соғу мүмкіндігіне ие болды: қақпашы Серхио Рочет айып алаңынан Андре Айя тепкен допты қағып жіберді. Бастапқыда судья Даниэль Зиберт офсайд тіркеді, бірақ VAR-ды қайталап көргеннен кейін пенальти тағайындалды. Рочет Айяның соққан добын қақты.

26-шы минутта Луис Суарес қарсыластың айып алаңынан доп тепті, бірақ қақпашы Лоуренс Ати-Зиги оған мүмкіндік бермеді. Дегенмен доп қақпаға қарай ұшып, оны Джорджиан де Арраскаэта түбіне жеткізді.

32-ші минутта Суарес қарсыластың айып алаңына қарай пас берді, допты іліп әкеткен Арраскаэтта дубль жасады.

Уругвай-Гана матчы 0:2 есебімен аяқталды:

20 Андре Айя (пенальти);

26 Джорджиан де Арраскаэта (0:1);

32 Джорджиан де Арраскаэта (0:2).

Уругвай 4 ұпай жинағанымен турнирдің плей-офф кезеңіне өте алмады. Оңтүстік Корея да осындай ұпайға ие, бірақ олар осы 3 матчта көбірек гол соққан болып шықты.

Айта кетсек, Уругвай 2006 жылдан бері алғаш рет әлем чемпионатының плей-офф кезеңіне өтпей қалды.

Оқи отырыңыз