Футболдан ӘЧ-2022: Плей-офф кезеңінде өнер көрсететін барлық құрама анықталды
Сурет: Twitter.com/championat
Әлем чемпионатының топтық кезеңіндегі іріктеу ойындары аяқталды, оның қорытындысы бойынша және FIFA турнирінің кестесіне сәйкес плей-оффқа Нидерланды, Сенегал, Англия, АҚШ, Аргентина, Польша, Франция, Австралия, Жапония, Испания, Марокко, Хорватия, Португалия, Оңтүстік Корея, Бразилия және Швейцария құрамалары өтті.
— FIFA World Cup (@FIFAWorldCup) December 2, 2022Group stage complete ✅
It's a straight road to the #Qatar2022 Final for these 16 teams!#FIFAWorldCup
3 желтоқсанда турнирдің 1/8 бөлігінде Нидерланды мен АҚШ командалары, сондай-ақ Аргентина мен Австралия командалары өзара бақ сынайды. 4 желтоқсанда Франция Польшамен, ал Англия Сенегалмен ойнайды. 5 желтоқсанда жапондықтар хорваттармен күш сынасады, ал бразилиялықтар Оңтүстік Корея футболшыларын қарсы алады. Кейінірек, 6 желтоқсанда Марокко құрамасы Испаниямен, ал Португалия Швейцариямен өзара додаға түседі.
Орын алған сенсациялар: Уругвай құрамасы 2002 жылдан бері алғаш рет әлем чемпионатының плей-офф кезеңіне шыға алмай қалды. Ал Оңтүстік Корея 2010 жылдан бері алғаш рет және тарихта үшінші рет әлем чемпионатының плей-офф кезеңіне өтті. Сонымен қатар, плей-офф кезеңіне әлем чемпионаты тарихында алғаш рет Азия футбол конфедерациясының үш бірдей командасы қатысады: Жапония, Оңтүстік Корея және 2006 жылдан бері осы конфедерацияны танытушы Австралия.
Бұған дейін хабарланғандай, әлем чемпионатының топтық кезеңінің соңғы күні Оңтүстік Корея Португалияны 2-1 есебімен жеңіп, плей-оффқа жолдама алды. Сондай-ақ, 2 желтоқсанда 1/8-ге тағы бір жолдама Сербия құрамасын 3-2 есебімен жеңіп кеткен швейцариялықтарға бұйырды.
