Талдықорғанда 1,5 млн теңге пара алып, сот үкімін өзгертпек болған судья сотталды

Талдықорғанда 1,5 млн теңге алып, сот үкімін өзгертпек болған судья сотталды, сурет - Zakon.kz жаңалық 24.12.2022 09:09

Сурет: pixabay

Талдықорғанда 1,5 млн теңге пара алып, сот үкімін өзгертпек болған судья сотталды, пара беруге оқталған азамат та осындай үкім кесілді, деп хабарлайды Zakon.kz.

Сыбайлас жемқорлыққа қарсы агенттіктің баспасөз қызметінің хабарлауынша, 2022 жылғы 20 желтоқсанда Талдықорған сотының үкімімен Алматы облысының мамандандырылған ауданаралық экономикалық сотының судьясы Түменбаева алаяқтық жасағаны үшін 5 жылға бас бостандығынан айырылды. Сонымен бірге мемлекеттік қызметте жұмыс істеуге өмір бойына тыйым салынды.

Түменбаева Good Zhem ЖШС басшысынан азаматтық іс бойынша оң шешім үшін 1,5 млн теңге сомасында ақшалай қаражат алған.

Ал пара беруге оқталғаны үшін Пак 4 жылға бас бостандығынан айырылып, мемлекеттік қызметте және коммерциялық ұйымдарда қызмет атқару құқығынан өмір бойына айырылды.

Үкім заңды күшіне енген жоқ.

Оқи отырыңыз