Мәжіліске цифрландыру саласындағы бәсекелестікті арттыру ұсынылды
Сурет: Мәжілістің баспасөз қызметі
Коммуникация және цифрландыру қауымдастығы жүргізілген талдау қорытындысы, сондай-ақ 16 қарашада өткен дөңгелек үстел қорытындысы бойынша ҚР Парламенті Мәжілісінің депутаттарына және «Атамекен» ұлттық кәсіпкерлер палатасына телекоммуникация саласындағы бәсекелестік деңгейін арттыру бойынша ұсыныстар жіберді, деп хабарлайды Zakon.kz.
Атап айтқанда, Қауымдастық дөңгелек үстелге қатысушылардың қазіргі уақытта ҚР Парламенті Мәжілісінде қаралып жатқан «Қазақстан Республикасының кейбір заңнамалық актілеріне бәсекелестікті дамыту мәселелері бойынша өзгерістер мен толықтырулар енгізу туралы» Қазақстан Республикасы Заңының жобасын қозғайтын ұсыныстарына назар аударды. Олардың бірі талқылау барысында қызу пікірталас тудырған «негізгі қуат» туралы нормаға қатысты. Кәсіпкерлік кодексті «негізгі қуатқа» тең қол жеткізуді қамтамасыз ету туралы баппен толықтыру дөңгелек үстелге қатысушылардың басым бөлігімен қолдау тапты. Сонымен бірге Қауымдастық мүшелері заң жобасын радиожиіліктер пайдаланылмаған/тиімсіз пайдаланылған жағдайда уәкілетті орган ұтқыр байланыс нарығының әлеуетті қатысушыларына беру үшін пайдаланылмайтын/тиімсіз пайдаланылатын радиожиіліктерді мемлекетке қайтаруды жүзеге асыруға міндеттенетіні туралы нормамен толықтыруды ұсынады.
Сондай-ақ, тиісті нормативтік-құқықтық актіні әзірлей және бәсекеге қабілетті тарифтерді бекіте отырып, кабельдік кәріз инфрақұрылымына қосылуды реттеу саласын мемлекеттік/жергілікті атқарушы органның қарамағына беру ұсынылады.
Бұған дейін аталған нарыққа қатысушылар кабельдік кәрізді пайдалану кезінде Кәсіпкерлік Кодексінде көзделген кәсіпкерлік субъектілерінің теңдігі қағидаты бұзылатынын мәлімдеген болатын. Соның ішінде бәсекелестікті шектеу және тұтынушылардың (қалалық кабельдік кәрізді пайдаланушылардың) құқықтары мен заңды мүдделеріне қысым жасалады. Мемлекеттік қаражатқа салынған кабельдік кәріз «Қазақтелеком» АҚ балансында бола алмайды және барлық байланыс операторларына қызмет көрсетуге қатысуға мүмкіндік бере отырып, жергілікті атқарушы органдар тұлғасында мемлекеттің меншігінде болуы тиіс. Дөңгелек үстелге қатысушылар.
Телекоммуникациялар нарығында бәсекелестікті дамыту жөніндегі шараларға келетін болсақ, әлемдік тәжірибеде желілерді (NetworkSharing (шеринг) бірлесіп пайдалану негізгі тренд болды. Мұндай тәсіл шығындарды үнемдеу және желілерді іске қосуды жеделдету мақсатында бірнеше оператордың ұялы байланыс желілерін бірлесіп жоспарлауды, салуды және пайдалануды көздейді. Шерингтің екі түрі бар: желілік инфрақұрылымның пассивті элементтерін (мачталар, сайттар, кабинет, қуат) ортақ пайдаланатын пассивті шеринг (PassiveSharing); белсенді шеринг (ActiveSharing) радиоқолжетімділік желісі мен көлік желілерінің белсенді элементтерін, оның ішінде жиілік спектрін ортақ пайдалануды білдіреді.
Осы тәжірибені ескере отырып, сондай-ақ радиожиіліктерге (ұялы операторлар пайдаланатын) кемсітусіз қол жеткізуді қамтамасыз ету мақсатында басқа ұялы компанияларға уәкілетті орган бекітетін радиожиіліктерді бірлесіп пайдалану қағидаларын көздеу ұсынылады.
Жиын қорытындысы бойынша ҚР Цифрлық даму, инновациялар және аэроғарыш өнеркәсібі министрлігіне радиожиілік спектрін пайдалануға рұқсат және ұялы байланысқа лицензия алу кезінде бәсекелестікті қамтамасыз ету қажеттілігін көрсететін ҚР Бәсекелестікті қорғау және дамыту агенттігінің 2021 жылғы 13 тамыздағы нұсқамасының орындалуын жеделдету туралы ұсынымдар жолданды.
Сондай-ақ, байланыс қызметтері нарығындағы бәсекеге қабілеттілікті қамтамасыз ету мақсатында ҚР ЦДИАӨМ Телекоммуникация комитетіне тексеру жүргізу және ұтқыр байланыс нарығының әлеуетті қатысушыларына беру үшін пайдаланылмайтын/тиімсіз пайдаланылатын радиожиіліктерді мемлекетке қайтаруды қамтамасыз ету ұсынылды.
