Спорт жаңалықтары 
Қазақстандық туристерге саяхаттау кезіндегі қауіп туралы ескертілді
Сурет: pixabay
Бұл Еуразия, Африка, Оңтүстік Америка және Мұхит аралдары елдері сияқты экваторлық-тропикалық климаты бар елдер. Аталмыш аурулардың көпшілігі біздің елде жоқ немесе сирек кездеседі.
Дүниежүзілік денсаулық сақтау ұйымының және ProMed ақпараттық желісінің мәліметтері бойынша 2024 жылғы 30 сәуірдегі жағдай бойынша карантиндік және аса қауіпті инфекциялармен сырқаттанушылықтың әлем бойынша мынадай жағдайлары тіркелген:
- Тырысқақ: Африканың 16 елінде, Азияның 5 елінде, сондай-ақ АҚШ, Бразилия және Гаитиде 94 229 жағдай (1 685 адам қайтыс болды). Қазақстанда 3 импорттық жағдай тіркелді.
- Оба: әлемде 130 жағдай (7 өлімге), негізінен Конго ДР-да және АҚШ-та 2 жағдай.
- Туляремия: АҚШ, Беларусь, Нидерланды және Ресей сияқты мемлекеттерді қоса алғанда әлемде 42 жағдай (өлімсіз).
- Қырым-Конго геморрагиялық қызбасы: Ауғанстанда, Угандада, Сенегалда және Ресейде, жалпысы әлемде 84 жағдай (1 өлім).
- Денге безгегі: Америкада, Азияда, Африкада, Австралияда және Францияда 5 381 261 жағдай (2 073 өлім).
- Сары безгегі: Орталық Африка, Оңтүстік Судан, Гайана, Перу және Колумбияда 16 жағдай (3 өлім).
- Хантавирус: Ресейде, Беларуссияда, Тайваньда, Қытайда, Панамада, АҚШ-та, Аргентинада, Боливияда және Чилиде 853 жағдай (5 өлім).
- Кьясанур орман ауруы: Үндістанда аурудың өршуі тіркелді, барлығы 500 жағдай, 12 адам қайтыс болды.
- Маймыл шешегі: Еуропада, Азияда, Африкада және Америкада 95 340 жағдай (184 адам қайтыс болды).
"Бұл аймақтардағы жылы және ылғалды климат қоршаған ортадағы микроорганизмдердің ұзақ өмір сүруіне, жәндіктер мен құрттардың белсенді көбеюіне ықпал етеді. Инфекциялар мен паразиттік аурулар көбінесе су, ластанған және жеткіліксіз өңделген тағамдар, қан сорғыш жәндіктер, ауру адаммен немесе ластанған қоршаған ортамен байланыста болғанда және жыныстық қатынас арқылы жұғады",- делінген ведомство хабарламасында.
Тропикалық инфекциялар адамның ішектеріне, терісіне, көзіне, әртүрлі жүйелері мен мүшелеріне әсер етуі мүмкін, көбінесе мұндай аураларды емдеу ауыр әрі қиын.
"Сонымен қатар, ыстық климатты елдерде адам денсаулығына айтарлықтай зиян келтіретін улы өсімдіктер мен жануарлар бар. Туристік маусым қарсаңында Департамент Қазақстан Республикасының азаматтарын жоспарланған болатын елдегі эпидемиологиялық жағдай туралы мәліметтерді медициналық мекемелер мен туроператорлардан алдын ала нақтылауға шақырады".Көліктегі санитарлық-эпидемиологиялық бақылау департаменті
Қауіпсіз сапар үшін Департамент мамандары тек орталықтандырылған сумен жабдықтау және кәріз жүйесі бар қонақүйлерде демалуды ұсынады. Егер бөлмеде масалар, бүргелер немесе кеміргіштер табылса, дереу әкімшілікке хабарлап, шұғыл шараларды талап ету керек. Жәндіктер шоғырланатын жерлерде терезелер мен есіктерге торларды, сондай-ақ бөлмеде электрофумигаторларды орнатуды талап етіңіз.
Жұқпалы және паразиттік аурулардың алдын алу үшін ұсынылады:
- Қауіпсіздігіне көзіңіз жететін су мен тамақты тұтыныңыз.
- Ет, балық, теңіз өнімдері міндетті термиялық өңдеуден өтуі керек.
- Жергілікті көше тағамдары мен бейтаныс тағамдардан аулақ болыңыз.
- Өнімдерді мамандандырылған дүкендерден зауыттық қаптамада сатып алыңыз.
- Көкөністер мен жемістерді қауіпсіз сумен жуып, қайнаған сумен шайыңыз.
- Тамақтанар алдында әрқашан қолыңызды сабындап мұқият жуыңыз.
- Су қоймалары мен бассейндерде жүзгенде су жұтып қоюдан, ауызға құйылып кетуден сақ болыңыз.
Әсіресе, ауру көзі болуы мүмкін жануарлармен байланыста болған кезде ерекше сақ болу керек.
"Тістегенде, тырнағанда немесе сілекей жұққан кезде дененің зардап шеккен бөлігін дереу сабындап жуып, дәрігерге қаралыңыз. Улы жыландардың, жәндіктердің шағуы және улы теңіз тіршілігімен байланысу денсаулықтың ауыр зардап әкелуі мүмкін екендігін ескеріңіз. Сондай-ақ, қан соратын жәндіктерге қарсы құралдарды қолдану және терезелер мен есіктерге торлар орнату да маңызды", дейді департамент мамандары.
Осы сақтық шараларын қолдану саяхат кезінде денсаулығыңызды сақтауға көмектеседі.
