Зейнетақы жинағындағы жеткілікті шектен асқан қаржыны алу мерзімі ұзартыла ма

Бізге ешқандай ұсыныс түскен жоқ (қазіргі жеткілікті шекті ұзарту туралы – ред.). Министрлік кез келген ұсынысты қарап, өз ұстанымын ортаға салады. ҚР Еңбек және халықты әлеуметтік қорғау министрі Серік Шәпкенов

Бұл ретте ол ведомство азаматтардың зейнетақы жинақтарын, ең алдымен, зейнетке шыққанда лайықты өмір сүруінің кепілі ретінде қарастыратынын, сондықтан бұл қаражат жеткілікті болуы керектігін атап өтті.

Жеткілікті шекке қатысты мәселені әртүрлі қырынан қарауымыз керек. БЖЗҚ – халықтың лайықты зейнетақы үшін жинайтын қаражаты. Қордан барлық ақшаны алып қойса, ертең жасы келгенде зейнетке ең төменгі зейнетақымен шыққаны дұрыс па? Сондықтан Еңбек министрлігі бірінші кезекте болашақ зейнеткерлердің құқығын қорғайтын болады. Біздің ұстанымымыз – адам зейнет жасына жеткенде, оның жалақысына сәйкес зейнетақысы болуы тиіс.ҚР Еңбек және халықты әлеуметтік қорғау министрі Серік Шәпкенов

Бұған дейін ҚР парламенті мәжілісінің депутаты Аманжан Жамалов үкіметті зейнетақы жинағындағы ең төменгі жеткілікті шектен асқан қаржыны алу мерзімін 2022 жылдың соңына дейін ұзартуға шақырған болатын. Ол зейнетақы жинағының бір бөлігін алдын-ала алу мемлекет басшысының идеясы екенін еске салып өтті. Сонымен қатар мәжілісмен жеткілікті шектің екі есеге жуық көтерілуін «ақылға қонымсыз» деп, бұл президенттің идеясына нұқсан келтіретінін атап өтті.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023