ҚР мен ГФР өкілдері энергетика саласындағы ынтымақтастық мәселелерін талқылады

Отырыс барысында Қазақстан Республикасы мен Германия Федеративтік Республикасы арасындағы энергетика саласындағы екіжақты ынтымақтастық мәселелері талқыланды, сондай-ақ тараптар екі елдің энергетика саласын дамытудың өзектілігін атап өтті.

Іс-шараның негізгі мақсаты – сектораралық энергия тиімділігін арттыру, сутегі энергетикасы және жаңартылатын энергия көздері секторын дамыту сияқты тақырыптарды талқылау.

2019 жылы Қазақстанның энергия үнемдеу және энергия тиімділігін арттырудың 2022-2026 жылдарға арналған салалық Жол картасы шеңберінде ұзақ мерзімді ынтымақтастықты ынталандыру мақсатында Қазақстан мен Германия арасында «Энергия үнемдеу және тиімділігін арттыру саласындағы стратегиялық әріптестік туралы» меморандумға қол қойылған болатын.

Отырысқа ҚР Индустрия және инфрақұрылымдық даму министрлігі, «Электр энергиясы мен қуаты рыногының қазақстандық операторы» АҚ, «Электр энергетикасын дамыту және энергия үнемдеу институты» АҚ, сондай-ақ «Ядролық физика институты» РМК өкілдері қатысты. Отырыс қорытындысы бойынша тараптар Қазақстан Республикасының энергетика саласының перспективалық бағыттарын дамыту бойынша одан әрі ынтымақтастыққа дайын екендіктерін білдірді. ҚР Энергетика министрлігінің баспасөз қызметі

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023