Көлікте жыныстық қатынасқа түскендерге қандай жаза қолданылады

Көптеген адам жекеменшік мүлкінде қалаған нәрсені жасауға болады деп санайды. Алайда бұл шындыққа жанаспайды. ҚР заңнамасына сәйкес ашық аспан астында жыныстық қатынасқа түсуге тыйым салынады, деп хабарлайды Zakon.kz.

ҚР ӘҚБтК-нің 434-бабына сәйкес, бұл ұсақ бұзақылық ретінде қарастырылады. Мұндайда құқық бұзушыға 20 АЕК-ке дейінгі көлемде айыппұл салынуы немесе 10-15 тәулік мерзімге әкімшілік қамаққа алынуы мүмкін.

ҚР ӘҚБтК-нің "Ұсақ бұзақылық" жайлы 434-бабында қоғамдық орындарда балағат сөздер айтқаны, жеке тұлғалардың ар-намысына тиіп, қорлағаны, ғимараттарды, өзге де құрылыс құрылымдарын, тұрғын үй-жайларды, ортақ пайдаланылатын орындарды, көліктегі және өзге де қоғамдық орындардағы мүлікті сындырып, бүлдіргені және айналадағыларға құрметсіздік танытуды білдіретін қоғамдық тәртіпті және жеке тұлғалардың тыныштығын бұзатын басқа да осындай іс-әрекеттер жазаға тартуға жататыны нақты көрсетілген.