Маймыл шешегі келесі пандемияны жариялауға түрткі болып жүрмей ме – ДДСҰ жауабы
Сурет: pexels
COVID-19-дан айырмашылығы, маймыл шешегі ауа арқылы берілмейді. Бұл ауруға қарсы вакцина жоғары тиімді болып есептеледі, деп хабарлайды earth-chronicles.ru сайты. Сондықтан бұл арада дүрбелеңге салынуға негіз жоқ деп сендіреді ДДСҰ.
Вирус Африка құрлығынан тыс жерде көптеп анықталып жатқаны атап өтіледі. 2003 жылдың ортасында АҚШ-тың ауруларды алдын-алу және бақылау орталығы Американың алты штатында 71 жағдайды тіркеді. 35 жағдайда зертханалық зерттеулер аурудың себебі маймыл шешек вирусы екенін растады. Бұл расталған жағдайлардың барлығы Иллинойс штатындағы жануарлар дистрибьюторынан сатып алынған, аурудың тарауына жол берген Прейри иттерімен байланысты болып шықты, олар өз кезегінде ауруды гамбиялық алып егеуқұйрықтардан ауру жұқтырған.
2018 жылы Ұлыбританияда да үш жағдай тіркелді. Бірақ бір де бір жағдай басқа екеуіне тікелей байланысты болмай шықты.
Маймыл шешегі әлі күнге дейін сепсис пен энцефалиттіен бастап, көздің инфекциясына байланысты соқырлыққа дейін апаратын ауыр ауру болып саналады. Медициналық емделусіз немесе вакциналаусыз, оны жұқтырған адамдардың оннан бір бөлігінде кісі өлімі тіркеледі, әсіресе балаларға келгенде.
