Канада Ресейге жаңа санкциялар салды

Канада, Ресей, санкция, сурет - Zakon.kz жаңалық 15.07.2022 09:47

Сурет: pixabay

Бұл шаралар күшіне енгеннен кейін канадалық компанияларға мақсатты салалармен келісім-шарт жасау үшін 60 күн беріледі, деп хабарлайды Zakon.kz.

Канада билігі Ресей экономикасының мұнай-газ, химия және өнеркәсіп салаларына жаңа санкциялар салды, деп жазды ТАСС.

2022 жылдың 14 шілдесінде Канада Ресейдің мұнай-газ, химия және өңдеу өнеркәсібі салаларына екі өндірістік қызмет көрсетуге тыйым салатын Арнайы экономикалық шаралар (Ресей) ережелеріне одан әрі түзету енгізді, – делінген агенттік таратқан ақпаратта.

Тізімге осы салалардан сегіз жаңа сала қосылғаны көрсетілген.

Құжатта канадалық азаматтар мен компанияларға ресейлік тарапқа металл бұйымдары, автомобильдер, тіркемелер мен жартылай тіркемелер, компьютерлік, электронды және оптикалық бұйымдар, электр жабдықтары, жерүсті көлігі және құбырларға қатысты қызмет көрсетуге тыйым салынған.

Бұл санкциялар туралы өткен демалыс күндері Канаданың сыртқы істер министрі Мелани Жоли мәлімдеді. Ол санкция күшіне енгеннен кейін канадалық компанияларға мақсатты салалармен келісім-шарттарды аяқтауға 60 күн берілетінін екертті.

Оқи отырыңыз