Ердоған мен Байден Балидегі G20 саммиті аясында кездесті
Сурет: tccb.gov.tr
Түркияның Trthaber газетінің жазуынша, келіссөздер жабық өтті.
АҚШ президенті Байден Ыстамбұлдағы лаңкестік оқиғасына байланысты Түркия басшысына көңіл айтты.
Сонымен қатар Байден Ердоғанға Ресей мен Украина арасындағы астық дәлізіндегі проблеманы шешу және жүк тасымалын қалпына келтіру жолындағы талпыныстары үшін алғыс білдірді.
Кездесу барысында екі ел арасындағы қарым-қатынастар талқыланып, сауда және қауіпсіздік мәселелері сөз болды.
Бұл кездесуден соң Ердоған Франция президенті Эммануэль Макронмен кездесті.
15 қарашада G20 саммитінде Қытай төрағасы Си Цзиньпин мәлімдеме жасады. Ол "әлем азық-түлік пен энергетика мәселелерін саясиландыру әрекеттеріне табанды түрде қарсы тұруы керек" екенін деп атап өтті. Ол сондай-ақ біржақты санкцияларды алып тастауға шақырды.
