Түркия Ирактың солтүстігіне әуеден соққы жасады

Түркия, Күрдістан жұмысшы партиясы, лаңкестік жағдай, сурет - Zakon.kz жаңалық 02.10.2023 13:30

Сурет: pixabay

Анкарадағы лаңкестік әрекетті күрд ұлтшылдары өз мойнына алған соң Түркияның әскери-әуе күштері Ирактың солтүстігіндегі күрд көтерілісшілерінің базаларына соққы жасады, деп хабарлайды Zakon.kz.

CNN арнасының хабарлауынша, түрік әскері лаңкестік әрекеттен кейін бірнеше сағаттан соң Ирактың солтүстігіне әуеден соққы берген. Түркияның Қорғаныс министрлігі Күрдістан жұмысшы партиясы содырларының бункерлері, баспаналары мен қоймаларын қоса есептегенде 20 нысан жойылғанын мәлімдеді.

Түркия Қорғаныс министрлігінің мәлімдемесі бойынша, "көптеген лаңкес залалсыздандырылды". Министрлік көрші елдің аумағына жасалған соққыларды БҰҰ Жарғысының өзін-өзі қорғау құқығын қарастыратын 51-бабымен түсіндірді.

Күрдтер Түркия халқының 15-20 пайызына тең. Түркия, АҚШ және Еуропалық Одақ тарапынан лаңкестік ұйым деп танылған Күрдістан жұмысшы партиясы қазіргі Иран, Ирак және Түркияның бөліктерін қамтитын тарихи аймақта Күрдістан ұлттық мемлекетін құруды көздейді.

1 қазан күні Түркия Ішкі істер министрлігі ғимаратының жанында лаңкестердің бірі өзін жарып жіберді, екінші лаңкес залалсыздандырылды. Тінту кезінде шабуылдаушылар тұтас арсенал тапты, оның ішінде үш граната, миномет, жарылғыш заттар және атыс қаруының төрт түрі бар. Анкарадағы лаңкестік әрекетті Күрдістан жұмысшы партиясы өз мойнына алды.

Оқи отырыңыз