Түркияда полиция тікұшағы апатқа ұшырап, екі адам қаза тапты
Сурет: unsplash
Құлаған тікұшақта болған полиция басшысы Джемил Гүлен мен келісімшарт бойынша ұшқыш Левент Өзтүрк қаза тауып, техник жараланды деп жазады Hürriyet. Топтардың жұмысы нәтижесінде қаза тапқан ұшқыштар мен жараланған техник қирандылардан шығарылып, Газиантеп қалалық ауруханасына жеткізілді. Оқиға орнын жандармерия қоршауға алған соң сараптама тобы жұмысқа кірісті.
Оқиғаға қатысты ресми мәлімдемені ішкі істер министрі Али Ерликая жасады.
"Батыр ұшқыштарымызды Алла рахымына алсын. Олардың отбасыларына, сүйікті ұлтымызға және полиция бөлімшесіне көңіл айтамын. Марқұмдардың абыройы асқақ болсын. Жарақат алған полицейіміздің тезірек сауығып кетуіне тілектеспін".
Алғашқы көмек алған техник Газиантеп қалалық ауруханасына жеткізілді. Ұшақ сынықтарынан ұшқыш Гүлен мен келісімшарт бойынша ұшқыш Өзтүріктің мәйіттері шығарылып, сол ауруханаға жеткізілді.
28 қаңтарда Ыстамбұлда католик шіркеуіне шабуыл жасалды: кейбіреуі өлтірілді. Белгілі болғандай, Сарыер ауданындағы Әулие Мария шіркеуіне бетперде киген екі адам шабуыл жасаған. Шабуыл салдарынан түрік азаматы Тунжер Джихан қаза тапты. Кейінірек шіркеуге жасалған шабуылды "Ислам мемлекеті" лаңкестік тобы өз мойнына алды. Теракт жасады деген күдікпен 47 адам ұсталды, оның ішінде бір Ресей азаматы және бір Тәжікстан азаматы "Ислам мемлекетімен" байланысы болуы мүмкін.
