Түркістан облысында бүлдіршін дәретхана шұңқырына құлап кетті

Бала дәретханаға түсіп кетті , сурет - Zakon.kz жаңалық 24.01.2022 14:23

Сурет: pixabay

Түркістан облысы Ордабасы ауданы Темірлан елді мекеніндегі үйлердің бірінде тереңдігі 4 метрлік дәретхана шұңқырына 2016 жылғы туған бала құлап кетті, деп хабарлайды Zakon.kz

24.kz сайтының мәліметінше, оқиға 2022 жылдың 23 қаңтарында болған. Сол күні «112» қызметіне Түркістан облысы, Ордабасы ауданы Темірлан елді мекеніндегі үйлердің бірінде тереңдігі 4 метрлік дәретхана шұңқырына 2016 жылғы туған бала құлап кеткені туралы хабарлама түскен.

Авариялық-құтқару жұмыстарына Түркістан облысы ТЖД 5 құтқарушысы мен медициналық жедел жәрдем қызметінің 3 қызметкері жұмылдырылыпты.

Құтқарушылар сағат 14:14-те шұңқырға құлап кеткен баланы құтқару арқанының көмегімен шығарып, жедел жәрдем қызметкерлеріне тапсырды. Бала дәрігердің тексеруінен кейін үйіне жіберілді. Қазіргі уақытта баланың жағдайы тұрақты.

ТЖМ ата-аналардан және ересектерден балаларды қараусыз қалдырмауды сұрайды.

Оқи отырыңыз