ШҚО-да іздеуде болған сотталушы бес жыл өткенде Алматыда ұсталды

Сурет: Zakon.kz

Алматыда Шығыс Қазақстан облысында іздеуде болған сотталушы ұсталды. 30 жастағы ер адам бес жыл бойы пробация қызметінен жасырынып келген, деп хабарлайды Zakon.kz.

Шығыс Қазақстан облысы бойынша қылмыстық атқару жүйесі департаменті мәлімдегендей, ол 2017 жылы ұрлық жасағаны үшін сотталған.

Сот 30 жастағы ер адамға қатысты айыптау үкімін шығарды. Ол бас бостандығынан айыру жазасына кесілді. Алайда, сотталушы есепке тұрған соң бір-екі рет қана тіркеуге келіп, Аягөз аудандық пробация қызметінің талаптарын елемей, хабарсыз кеткен. Бес жыл бойы пробация қызметкерлерінен жасырынған. Пробация бөлімінің бастығы әділет майоры Бауыржан Төлеухан

Айыпталушының айтуынша, ресми түрде ол еш жерде жұмыс істемеген, қара жұмыспен күн көрген.

Ауданның пробация қызметінің қызметкерлері алғашқы іздестіру іс-шараларын жүргізіп, есеп берушіге іздеу жарияланды. Ол Алматыда жалдамалы пәтерде ұсталды, енді ол жазасын темір торда өтейді. Сотталған адамға қатысты материалды жасырып, пробациялық бақылаудан жалтарғаны үшін бас бостандығын шектеуді бас бостандығынан айыру жазасына ауыстыру мәселесін шешу үшін аудандық сотқа жібереміз. ШҚО бойынша ҚАЖД баспасөз қызметі

Оқи отырыңыз