Референдумда сиясы өшетін қалам ұсынылғаны туралы фейк ақпарат тарады

Әлеуметтік желі, сурет - Zakon.kz жаңалық 05.06.2022 11:16

Сурет: pixabay

Әлеуметтік желіде референдумда бюллетеньдерді өшіп қалатын сиямен толтыру ұсынылғандығы туралы ақпарат пайда болды. Бұл - фейк, деп хабарлайды Zakon.kz.

Әлеуметтік желіде 5 маусымда республикалық референдумда түсірілген деген ролик жарияланды. Видеода ер адам бюллетеньге белгі қойып, оны отпен күйдірген кезде жазу өшіп кетеді. Автордың пайымдауынша, дауыс беру кабиналарына осындай «өшіп қалатын» сиясы бар қаламдарды әдейі қойған. Шынтуайтында, бұл – фейк.

Шын мәнінде, жазуы жоғалып кететін видео ескі. Ол желіде алғаш рет 2019 жылы жарияланған. Бір кездері Ресейде, Украинада, Қырғызстанда және Қазақстанда да тараған. Роликтің қазір өтіп жатқан референдумға ешқандай қатысы жоқ, деп хабарлайды Stopfake.kz.

Оқи отырыңыз