1,5 жасар бала сәбізге қақалып, көз жұмды

Операция, сурет - Zakon.kz жаңалық 04.01.2023 23:40

Сурет: pixabay

Батыс Қазақстан облысында 1,5 жасар бала сәбізге қақалып, көз жұмды. Анасының сөзінше, баласы шикі сәбіз жеп отырғанда қақалып қалған.

"Астана" телеарнасының хабарлауынша, әйел ұлының арқасынан қағып, сәбіздің бір бөлігін шығарғанымен оның тыныс алуы қиындаған.

Әйел кейін баласын ауруханаға жеткізген.

Облыстық денсаулық сақтау басқармасының хабарлауынша, балаға сот-дәрігерлік сараптама жасалған. Дәрігерлер баланың тыныс алу жолы бөгде затпен бітеліп қалғаны себепті тұншығып қайтыс болғанын мәлімдеді.

"Бала ауруханаға жеткізілген кезде тіршілік белгілері байқалмады. Жүрек соғысы тоқтап, тыныс алмады. Сол жерде бірден жедел жансақтау шараларын жүргіздік, бірақ осыған қарамастан, жарты сағаттан кейін биологиялық өлім тіркелді".Еркін Боранбаев, дәрігер

Оқи отырыңыз