Ақтөбеде әр жерге қоқыс тастайтындар жазаланып жатыр

қоқыс, сурет - Zakon.kz жаңалық 22.02.2023 00:37

Сурет: pixabay

Ақтөбеде қоқысты көрінген жерге тастай салатын азаматтар жазаланып жатыр. Бейнебақылау камерасына түсіп қалған кез келген ақтөбеліктің тазалыққа қарсы ерсі қылығы ескерусіз қалмайтын болады.

КТК телеарнасының хабарлауынша, Ақтөбеде қол созым жердегі қоқыс жәшігіне баруға ерінетіндер көбейген. Екінші қабаттағы балконынан сыртқа қоқыс лақтырып, үй алдына қалдық үйіп қойған тұрғындар да бар. Ал жөндеу жұмысынан кейін құрылыс материалдарын жәшік жанына қоя салатындарға тыйым болмай отыр. Сондықтан бейнебақылау камерасына түскен тұрғындардың заңсыз әрекетін полицейлер сүзіп отыратын болған. Алайда қаланың бар аумағын шолуға камера жетіспейді. Ақтөбеде қазір 200-дей ғана бейнекамера болса, соның көбі істен шыққан.

"Қазір полиция абаттандыру ережесін бұзған адамды анықтау бойынша ісшара жүргізіп жатыр. Бейнебақылау камерасының көмегімен 300-ден астам бұзушылық анықталды. Кінәлілер әкімшілік жауапқа тартылды".Ақтөбе облысы ЖПҚБ табиғатты қорғау тобының аға инспекторы Серік Елеуов

Оқи отырыңыз