Түркістанда 400 мың теңге пара алған шенеунікке 12 млн теңге айыппұл салынды

Сурет: Zakon.kz

Түркістанда кәсіпкерден пара алған құрылыс бөлімінің басшысы сотталды, деп хабарлайды Zakon.kz.

5 мамыр күні Бәйдібек аудандық сотының үкімімен құрылыс, сәулет және қала құрылысы бөлімінің басшысы пара алғаны үшін сотталды.

Досалиев 12 миллион теңге айыппұл төлейді.

"Ол Бәйдібек ауданы Ағыбет ауылында дене шынықтыру-сауықтыру кешенінің құрылыс объектісінің жұмыстарын пайдалануға қабылдау актісіне кедергісіз қол қою және жалпы қамқорлығы үшін кәсіпкерден 400 мың теңге пара алғаны үшін кінәлі деп танылды".ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті

Үкім заңды күшіне енген жоқ.

17 мамырда Антикор Астана қаласы қоршаған ортаны қорғау және табиғатты пайдалану басқармасының бастығы Әлия Қожабаеваны ұстағаны белгілі болды.

Оқи отырыңыз