ҰҚК-нің бұрынғы басшысы Кәрім Мәсімов сотқа апелляциялық шағым түсірді

Кәрім Мәсімов, сот Мәсімов ісі, ҚР ҰҚК, аппеляциялық шағым, сурет - Zakon.kz жаңалық 22.05.2023 13:12

Сурет: gov.kz

Ұлттық қауіпсіздік комитетінің бұрынғы басшысы Кәрім Мәсімов сот үкіміне қарсы апелляциялық шағым түсірді, деп хабарлайды Zakon.kz.

Астананың қылмыстық істер жөніндегі мамандандырылған ауданаралық соты Қазақстан Республикасы ҰҚК-нің сотты болған бұрынғы басшысы Кәрім Мәсімов апелляциялық шағым түсіргенін мәлімдеді.

"Бірақ іс "Аса құпия" белгісімен қаралғандықтан, әзірге іс апелляцияға түскен жоқ, басқа мәліметтер жария етуге жатпайды", – делінген сот хабарламасында.

24 сәуір күні Кәрім Мәсімовке қатысты сот үкімі шықты. Сот шешімімен К. Мәсімовке ҚК-нің 175-бабының 1-тармағы, 179-бабының 3-тармағы, 362-бабының 4-тармағы, 3-бөлігі бойынша кінәлі деп танылды, жазаны ішінара қоса отырып, оған 18 жылға бас бостандығынан айыру, мүлкін тәркілеу, өмір бойы мемлекеттік қызметте жұмыс атқару құқығынан айыру жазасы тағайындалған болатын.

Оқи отырыңыз