Абай облысындағы өртте өрт сөндіру көлігі жанып кетті

"Семей орманы" резерваты, орман, өрт, ҚР ТЖМ, өрт сөндіру көлігі, сурет - Zakon.kz жаңалық 12.06.2023 10:32

Сурет: ҚР ТЖМ баспасөз қызметі

2023 жылы 11 маусым күні кешке Абай облысындағы орман өртін сөндіру кезінде Қарағандыдан барған өрт сөндіру көлігі жанып кетті, деп хабарлайды Zakon.kz.

Ормандағы өрт тез таралып жатыр. Абай облысындағы орман өртін сөндіруге бірнеше облыстан өрт сөндірушілер барды.

Талица ауылының маңында арнайы көлікті өрт шарпыды. Абырой болғанда, ешбір адам зардап шеккен жоқ.

ҚР Төтенше жағдайлар министрлігінің мәліметінше, орман өртін сөндіруге 1500 адам, 300-ден астам техника жұмылдырылған.

Сонымен қатар өрт сөндірушілерге әскерилер мен еріктілер көмектесіп жатыр.

14 тікұшақ жұмылдырылды.

2023 жылы 8 маусымда Абай облысында "Семей орманы" мемлекеттік орман табиғи резерватының аумағында орман өртенді.

10 маусымда Абай облысында өртте қаза тапқандар саны 14 адам болғаны хабарланды.

Оқи отырыңыз