Жаңа тағайындалған ТЖМ басшысы өрт шарпыған Абай облысында қандай жұмыстар жүргізіліп жатқанын айтты

"Семей орманы" резерваты, орман, өрт, ҚР ТЖМ, сурет - Zakon.kz жаңалық 12.06.2023 15:47

Сурет: ҚР ТЖМ баспасөз қызметі

ҚР Төтенше жағдайлар министрі Сырым Шәріпханов Абай облысындағы қазіргі жағдайға тоқталып, күштер мен құралдардың жұмысы туралы баян етті, деп хабарлайды Zakon.kz.

Ол қазіргі уақытта жағдай тұрақты екенін айтты.

"Температураның жоғарылауына және екпінді желге байланысты өрттің таралу қаупі бар, алайда бізде өртті оқшаулауға қажет күштер мен құралдар тобы жеткілікті", – деді министр.

Министр шығыс бағытта өрттің белсенділігі байқалғанын, дегенмен авиациялық техникамен және жерүсті топтармен жану ошақтарын жоюға нақты міндеттер қойылғанын атап өтті.

"Қазіргі уақытта жедел штабтың деректері бойынша өрттің жалпы көлемі 60 мың гектар болды, оның 43 мың гектарында жану ошақтары байқалады".ҚР Төтенше жағдайлар министрі Сырым Шәріпханов

Абай облысындағы өртті сөндіру кезінде тағы бір адам жоғалып кеткен.

Оқи отырыңыз