"ӨКМ операторы" ісі бойынша күдікке ілінген Шынар Мұқтарова экстрадицияланды

"ӨКМ операторы" ЖШС құрылтайшысы, халықаралық іздеу, Антикор, сурет - Zakon.kz жаңалық 27.07.2023 19:53

Сурет: ҚР Сыбайлас жемқорлыққа қарсы іс-қимыл агенттігі

"ӨКМ операторы" ЖШС-ның бұрынғы құрылтайшысы делінетін Шынар Мұқтарова Біріккен Араб Әмірліктерінен Қазақстанға экстрадицияланды. Бұл жөнінде Сыбайлас жемқорлыққа қарсы іс-қимыл агенттігі мәлімдеді, деп хабарлайды Zakon.kz.

Агенттіктің мәліметінше, ол ЖШС бас директоры С. Коротенкомен бірге 920 млн теңге жымқырды деген күдікке ілінген.

"2023 жылғы 27 шілде күні сағат 19:01-де Мұқтарова Астана қаласының әуежайының аумағында ұсталып, тергеу изоляторына қамалды", – делінген хабарламада.

Қазір сотқа дейінгі тергеу жүріп жатыр.

"Қылмыстық-процестік кодексінің 201-бабына сәйкес өзге ақпарат жария етуге жатпайды".ҚР Сыбайлас жемқорлыққа қарсы іс-қимыл агнеттігі

Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.

Сыбайлас жемқорлыққа қарсы іс-қимыл агнеттігі 2023 жылғы 5 шілде күні "ӨКМ операторының" қағаз жүзінде құрылтайшысы болған Шынар Мұқтарова Біріккен Араб Әмірлігінде ұсталғанын хабарлаған еді.

Оқи отырыңыз