Өскеменде өртенген тұрғын үйден 34 адам эвакуацияланды

Өрт, Өскемен, сурет - Zakon.kz жаңалық 10.09.2023 14:30

Сурет: ШҚО ТЖД баспасөз қызметі

Өскемен тұрғын үйінде болған өрттен кейін улы түтінге байланысты 34 адамды эвакуациялауға тура келді. Өрт сөндірушілер түтін арасында қалып кеткен 15 тұрғынды құтқарды, деп хабарлайды Zakon.kz.

Облыс орталығында Қабанбай батыр көшесінде алты қабатты тұрғын үйден өрт шықты.

Оқиға орнына жоғары шақырту белгісімен жеткен ШҚО ТЖД күштері барлау жүргізіп, үшінші қабаттағы бір пәтерден қалың қара түтін шығып жатқанын анықтады.

"Бірінші кезекте газ-түтіннен қорғау қызметінің звеносы 2 автосаты мен 2 үш аяқты баспалдақ көмегімен 15 тұрғынды құтқарды, оның 4-еуі - бала, жалпы 34 адам эвакуацияланды, оның 6-уы - бала".

Өрт сөндірушілер қатты және ащы түтін жағдайында жұмыс істеп, отпен күресуге және адамдарды құтқаруға мәжбүр болды.

40 шаршы метр аумақты алған өрт сөндірілді. Құрбандар мен зардап шеккендер жоқ. Өрт сөндіруге 10 техника мен жеке құрамнан 42 адам жұмылдырылды. Өрттің алдын-ала себебі - қасақана от қою екені айтылады.

Айта кетсек, 10 қыркүйекте Екібастұзда MAXI MALL сауда үйі өртенді.

Оқи отырыңыз