Абай облыстық полиция департаментінің көші-қон қызметі басқармасының бастығы Гүлвира Дөненбаева ұсталды

Антикор, Абай облыстық полиция департаментінің көші-қон қызметі басқармасының бастығы , сурет - Zakon.kz жаңалық 28.09.2023 11:47

Сурет: Instagram/eastkazpolice

Әлеуметтік желілерде Абай облысы көші-қон қызметі басқармасының басшысы Гүлвира Дөненбаева ұсталғаны туралы ақпарат тарады, деп хабарлайды Zakon.kz.

"27 қыркүйекте Ұлттық қауіпсіздік комитетінің Абай облысы бойынша департаменті қызметкерлері Сыбайлас жемқорлыққа қарсы қызметпен бірлесіп, делдал арқылы 1000 АҚШ доллары көлемінде қаражатты алып жатқан жерінде облыстық полиция департаментінің көші-қон қызметі басқармасының бастығы Гүлвира Дөненбаеваны ұстады", – делінген желіде тараған хабарламада.

Сыбайлас жемқорлыққа қарсы іс-қимыл агенттігі бұл жағдайға түсініктеме берді.

"Абай облысы бойынша сыбайлас жемқорлыққа қарсы қызмет облыстық полиция департаментінің көші-қон қызметі басқармасының бастығын ұстады", – деп хабарлады департаменттен.

Гүлвира Бекетайқызы көші-қон қызметінде түрлі қызметтерде, оның ішінде 5 жыл Астана қаласы ІІБ Көші-қон полициясы басқармасының бастығы қызметін атқарған. Содан кейін ол Шығыс Қазақстан облысының полиция департаментіне келді.

Оқи отырыңыз