Қазақстандық құтқарушылар Ауғанстанға аттанды

ҚР ТЖМ, құтқарушылар, Ауғанстандағы жер сілкінісі, сурет - Zakon.kz жаңалық 10.10.2023 13:46

Сурет: ҚР ТЖМ баспасөз қызметі

Қазақстан ТЖМ құтқарушылары жер сілкінісі салдарын жоюға көмек көрсету үшін Ауғанстанға жіберілді, деп хабарлайды Zakon.kz.

ҚР ТЖМ баспасөз қызметінің 10 қазан күні хабарлауынша, құтқарушылар Ауғаснтанға Қазақстан президенті Қасым-Жомарт Тоқаев берген тапсырманы орындау үшін аттанып кетті. Барлығы 45 адам жолға шықты. Олардың арасында Республикалық жедел-құтқару жасағының құтқарушылары, кинологиялық есептобы, Апаттар медицинасы орталығының дәрігерлері мен фельдшерлері бар.

ҚР ТЖМ, құтқарушылар, Ауғанстандағы жер сілкінісі, гуманитарлық көмек, сурет - Zakon.kz жаңалық 10.10.2023 13:46

Сурет: ҚР ТЖМ баспасөз қызметі

"Бұл құтқару операцияларында көпжылғы тәжірибесі бар білікті мамандар. Бірқатар құтқарушылар мен медицина қызметкерлері биылғы жылы Түркиядағы жойқын жер сілкінісі салдарын жоюға қатысқан".ҚР ТЖМ баспасөз қызметі

Топ қажетті жабдықтармен жабдықталған. Топты Қазақстан Республикасы ТЖМ Азаматтық қорғаныс және әскери бөлімдер комитеті төрағасының міндетін атқарушы Ұларбек Әбікеев басқарады.