ШҚО шахтасындағы ТЖ: Дәрігерлер зардап шеккендердің жағдайына қатысты мәлімет ұсынды

Дәрігерлер, ШҚО, шахта, ТЖ, зардап шеккендер, кенші, сурет - Zakon.kz жаңалық 13.10.2023 19:16

Сурет: pixabay

2023 жылдың 11 қазанында ШҚО-дағы шахталардың бірінде тау жыныстары опырылып, оның астында екі адам қалып кетті. Олардың бірі көптеген жарақаттарымен ауруханаға, яғни жансақтау бөліміне түсті, деп хабарлайды Zakon.kz.

Шығыс Қазақстан облысы Денсаулық сақтау басқармасының мәліметінше, шахтадағы төтенше жағдайдан кейін Ертіс кенішінің екі қызметкеріне медициналық көмек қажет болған, деп жазады YK-news.kz.

"Алдымен табылған бір кенші Глубокое аудандық ауруханасына жеткізілді. Оған қажетті диагностикалық процедуралар көрсетілді. Науқасты хирург тексеріп, ер адамда ауыр жарақат жоқ екенін нақтылады. Жағдайы қанағаттанарлық деңгейде болғандықтан, ол үйіне жіберілді. Қазір ол амбулаториялық деңгейде ем-дом алуда. Екінші кеншіге келетін болсақ, ол Өскемендегі облыстық ауруханада жансақтау бөлімінде жатыр. Оған жарақат және көптеген сырылу, гематома деген диагноз қойылды". ШҚО денсаулық сақтау басқармасы

KAZ Minerals тобының корпоративтік байланыстар департаментінің менеджері Ермек Дүзкенев болған оқиға бойынша тергеу жұмыстары жүргізіліп жатқанын айтты.

11 қазанда Шығыс Қазақстан облысының Глубокое ауданындағы Kaz Minerals компаниясының кенішінде тау жыныстары опырылды. Оқыс оқиға салдарынан екі жұмысшы үйінді астында қалып кетті.

1995 жылғы кеншінің бірі жер бетіне өз бетімен шыққан, ал үйінді астында қалып кеткен екіншісін құтқарушылар құтқарды.

Оқи отырыңыз