Алматы қаласы ТЖД Басқармасының бастығы пара алғаны үшін сотталды

Сурет: Zakon.kz

2023 жылғы 12 желтоқсан күні Сыбайлас жемқорлыққа қарсы іс-қимыл агенттігінің баспасөз қызметі Zakon.kz сайтына Алматы қаласы Төтенше жағдайлар департаменті басқармасының бастығы сыбайлас жемқорлық қылмысы үшін сотталғанын хабарлады.

Агенттік таратқан хабарламада 2023 жылғы 8 желтоқсанда Қостанай қаласының №2 соты Алматы қаласы ТЖД Басқармасының бастығы азаматтық қорғау подполковнигі А.К. Жаныспаевқа қатысты үкім жариялағаны айтылған.

"Ол кәсіпкерге қамқорлығы үшін жалпы сомасы 13 млн теңгеден астам ақшалай сыйақы алғаны үшін кінәлі деп танылды".Сыбайлас жемқорлыққа қарсы іс-қимыл агенттігінің баспасөз қызметі

Жаныспаев 5 жылға бас бостандығынан айырылып, арнаулы атағынан, сондай-ақ мемлекеттік қызметте өмір бойы қызмет атқару құқығынан айырылды.

Антикор үкім заңды күшіне енбегенін мәлім етті.

Оқи отырыңыз