Бас Прокурор: Іс-әрекеттердің түпкі мақсаты билікті күштеп басып алу болды

Сурет: Zakon.kz

Мәжіліс отырысында ҚР бас прокуроры Берік Асылов қаңтардағы тәртіпсіздіктерге қатысты тергеудің барысы туралы айтты. Оның сөзінше, акциялардың түпкі мақсаты билікті күшпен басып алу болған, деп хабарлайды Zakon.kz.

Сол кезде Қазақстанның аумақтық тұтастығына қауіп төніп тұрды. Біз мемлекеттілікті жоғалтуымыз мүмкін еді, - деді Берік Асылов.

Сонымен қатар бас прокурор Ұлттық қауіпсіздік комитеті мемлекетке опасыздық жасау пен билікті басып алуға тырысу бойынша 15 істі қарап жатқанын хабарлады.

Бұл істер бойынша комитеттің бұрынғы басшысы Мәсімов пен оның үш орынбасары сот шешімімен қамауға алынды. Бұл органның тағы екі басшысы билігін асыра пайдаланды деген күдікпен жауапқа тартылды. ҰҚК істері аса құпия санатқа жатқызылды, - деп түйіндеді ол.

Оқи отырыңыз